Berberi shpjegon “look”-un e ri të Messit

Berberi i Lionel Messit, Ariel Bermudez, foli për “look”-un e ri të yllit argjentinas të Barcelonës dhe zbuloi se gjithçka është miratuar nga gruaja e futbollistit, Antonella Rocuzzo, me të cilën ka një histori të gjatë miqësie.

Berberi i pesë herë fituesit të “Topit të Artë” foli, gjithashtu, edhe për të ardhshmen e Messit në kombëtaren e Argjentinës. “Antonella e pëlqente këtë model të ri flokësh. Gjatë punës kishim vetëm gjysmë surprize, sepse askush nuk e dinte.

Ne përfunduam gjithçka rreth orës 12:00 të mesnatës. E kemi filluar punën pasdite dhe pastaj, hap pas hapi, zbuluam çfarë ngjyre duhej t’iu jepnim flokëve të tij”, tha Bermudez nga shtëpia e tij në Barcelonë, i pyetur mbi “look”-un e ri të Leo Messit.

Së fundi, beriberi i yllit të Barcelonës ka folur edhe mbi lamtumirën e Messit nga kombëtarja e Argjentinës. Ariel Bermudez shpjegoi se e mbështet kthimin e tij tek “Albiceleste”: “Unë mendoj rikthimi i Messit tek Argjentina është vetëm çështje kohe.”