Karim Benzema tani ka hyrë edhe zyrtarisht në analet e Ligës së Kampionëve .
Goli i shënuar në ndeshjen e mbrëmshme(mërkurë)ndaj Legia Warsaw ishte historik për sulmuesin francez, shkruan Marca, përcjell Telegrafi.
Kjo pasi, me atë gol të shënuar, Benzema hyn në listën e 10-të golashënuesve më të mëdhenj në Ligën e Kampionëve, duke barazuar legjendën portugeze, Eusebio me 47 gola, në nivel klubesh në garat elitare.
Listës së golashënuesve i prinë bashkëlojtari i tij, Cristiano Ronaldo me 96 gola të shënuara, ndërsa pas tij renditet Lionel Messi me 90 gola të shënuara.
Në këtë listë nuk kishte si të mungonin yje tjera të mëdha që kanë shënuar shumë gola si, Ruud van Nistelrooy, Thierry Henry e Raul Gonzalez. /Telegrafi/