Mbrojtësi maroken, Medhi Benatia ka vendosur të largohet nga kampioni në fuqi i Italisë, Juventusi.
Këtë edicion për dallim nga të kaluarit, Benatia nuk ka pasur hapësira të shumta nga trajneri Maximiliano Allegri.
Kësisoj marokeni ka vendosur të largohet gjatë afatit kalimtar të janarit.
31-vjeçari ka kontratë me Juventusin deri në qershor të vitit 2020.
Mediat italiane kanë raportuar se e ardhmja e tij pritet të jetë në Bundesliga ose Ligue 1.
Borussia Dortmund dhe Schalke 04 janë dy skuadrat gjermane që kanë shprehur interesim për Benatian.
Ndërkohë për të interesim ka shfaqur edhe ish-skuadra e tij Olympique Marseille.
Kapiteni i Marokut është pjesë e Juventusit që nga viti 2016 ku ka zhvilluar 59 ndeshje në të gjitha garat. /Telegrafi/