Klubi i madh anglez, Manchester United vazhdon të lidhet me një veprim për sulmuesin e njohur të Monacos, Wissam Ben Yedder.
30-vjeçari mund të lëvizë gjatë verës, pasi Monacos mund t’i duhet të shesë disa nga yje e skuadrës për shkak të humbjeve pas shpërthimit të Covid-19.
Klubet në të gjithë Evropën po luftojnë financiarisht, që do të thotë se shitja e disa lojtarëve me çmim të arsyeshëm mund të jetë një domosdoshmëri.
Sipas mediumit të njohur ESPN, Djajtë e Kuqë po ndjekin sulmuesin francez, Ben Yedder për një transferim gjatë afatit kalimtar të verës.
Ben Yedder është 30 vjeç dhe i kushtoi Monacos 30 milionë euro verën e kaluar.
Ai ka një kontratë të vlefshme me klubin nga Principata deri në vitin 2024 dhe transferimi i tij do t’i kushtonte Unitedit po ashtu rreth 30 milionë euro.
Veterani do t’i siguronte konkurrencë Anthony Martial dhe Marcus Rashford për një vend titullari në sulmin e klubit nga Old Trafford. /Telegrafi/