Mesfushori francez, Hatem Ben Arfa është në rrugë të mirë për tu transferuar në Serie A.
Lojtari që ka shkëlqyer këtë edicion me Nicen pas pezullimit një vjeçar ka zgjuar interesimin e shumë skuadrave të njohura evropiane.
Por si duket ai do të ndërrojë kampionat por jo edhe fanellë, pasi do të vazhdoi të bartë kuq e zi si tek Nice.
Kësaj radhe duket se Milani ka arritur ta fitojë betejën me rivalin lokal Interin për t’i siguruar shërbimet e francezit.
29-vjeçari ka pranuar të transferohet në Milan për një shumë rreth 15 milionë euro.
Ndërkohë të interesuara për të ishin edhe Borussia Dortmund, Lazio, Inter dhe Paris Saint Germain. /Telegrafi/