Hector Bellerin ka dalë kundër gazetarit Piers Morgan për Donald Trumpin si trajner të Arsenalit.
Gazetari kishte një intervistë me kreun e shtetit amerikan, ku edhe e bëri një postim në Twitter për ofertën që i kishte bërë kryetarit Trump.
Mbrojtësi i djathtë i Arsenalit, bëri të ditur ndjenjat për propozimin që i bëri prezantuesi i njohur i ‘Good Morning Britain’ se Presidentit i SHBA-së të bëhej menaxher i ri i ‘Gunners’.
Në një intervistë që do të shfaqet në ITV të dielën në orën 22:00, Morgan zbuloi se i ka kërkuar Trumpit që ta pasojë Arsene Wengerin, kjo për ta nderuar “një mur të fuqishëm mbrojtës”.
*WORLD EXCLUSIVE*
The moment I invite President Trump to be Arsenal's new manager – because he'd build a strong defensive wall, have an attacking philosophy & want to win big trophies at all costs.
See his hilarious response on Sunday night, ITV, 10pm. #TrumpMorgan pic.twitter.com/pVZdFD6N0J— Piers Morgan (@piersmorgan) January 26, 2018
52-vjeçari madje i dha miliarderit amerikan me një fanellë të Arsenalit me numrin 45, pasi Trump është presidenti i 45-të i SHBA-së.
“Momenti që unë e ftoj Presidentin Trump të jetë menaxher i ri i Arsenalit, sepse ai do të ndërtonte një mur mbrojtës të fuqishëm, do të kishte një filozofi sulmuese dhe do të donte të fitonte trofe me çdo kusht”.
Por Bellerin i shkroi gazetarit pasi ai e postoi foton.
“Shpresoj që të ketë thënë jo”, ka shkruar ai.
Morgan është një nga ata që ka bërë fushatë për ta larguar Wengerin nga Emirates.
Arsenali është finalist në Carabao Cup ku do të përballet me Manchester City më 25 shkurt. /Telegrafi/