Bella Hadid vërtetoi se mori vaksinën COVID-19 pasi spekulimeve se ajo mungoi në Met Gala 2021, të hënën, për shkak të protokolleve të sigurisë së ngjarjes.
“Për këdo që është i shqetësuar “, ka shkruar në mbishkrimin e një InstaStory supermodelja, ku shihet teksa një infermiere i injektonte një vaksinë sot (e mërkurë), shkruan Page Six.
Motra e saj, Gigi Hadid, ishte e pranishme në Met Gala 2021 e veshur me “Prada”. Dyshja zakonisht marrin pjesë në ngjarje së bashku.
Të hënën, të gjithë personazheve të famshëm që morën pjesë në natën më të madhe të modës iu kërkua të ndiqnin udhëzimet e Muzeut Metropolitan të Artit, të cilat janë në përputhje me mandatin e qytetit të New York-ut.
Rregulloret thonë se të gjithë vizitorët e Met Gala duhet të sigurojnë dëshmi se kanë marrë të paktën një dozë të një vaksine COVID-19. Vizitorëve në gala gjithashtu iu kërkua të mbanin maska brenda vendit kur ata nuk ishin duke pirë apo ngrënë.
Rregullat u konsideruan shumë të rrepta edhe për Nicki Minaj, e cila zbuloi të hënën pasdite se ajo nuk do të merrte pjesë për shkak se nuk ishte vaksinuar.
Kjo rregullore u prit me shumë kritika në rrjetet sociale, duke spekuluar se kjo ishte arsyeja pse shumë emra të njohur nuk u bën pjesë e Met Gala. /Telegrafi/