Në Kuvendin e Kosovës janë duke vazhduar replikat e ashpra mes deputetes së Lidhjes së Demokratike të Kosovës (LDK), Hykmete Bajrami dhe ministrit të Financave, Hekuran Murati.
Derisa diskutuan për çështjen e tatimit në pronë, deputetja Bajrami tha “Ministër fol edhe këtu ashtu si fole pa mikrofon, bëhu burrë, mos u fsheh”, transmeton Telegrafi.
Pas kësaj, reagoi ministri Murati, i cili e quajti të papranueshme gjuhën e përdorur nga deputetja.
“Është e papranueshme të përdoresh gjuhë seksiste në Kuvend, pres reagimin e grave deputetëve”, tha ai.
Seanca ka filluar rreth orës 11:00, ku në rend dite janë votimi i disa projektligjeve. /Telegrafi/