Bëhet viral reagimi i Guardiolës ndaj deklaratës se Man Utd është rivali i Cityt për titull në Ligën Premier

Trajneri i Manchester Cityt, Pep Guardiola, foli dje (e hënë) në një konferencë për shtyp në prag të ndeshjes kundër Crvena Zvezdas në Ligën e Kampionëve dhe një nga përgjigjet e tij u bë hit i vërtetë në internet, duke u shpërndarë shumë në rrjetet sociale. 

Një gazetar nuk donte të bënte një pyetje për Ligën e Kampionëve, por për kampionatin elitar anglez, Ligën Premier.

Ai ishte i interesuar se çfarë mendon Guardiola për rivalët e tij kur bëhet fjalë për luftën për titull.

Guardiola vlerësoi Arsenalin dhe Liverpoolin, të cilët kanë vetëm dy pikë më pak se City, i cili fitoi në të pesë ndeshjet e luajtura dhe më pas gazetari e ndërpreu me një pyetje.

Lexo po ashtu Reagimi i Pep Guardiolas kur u pyet për fillimin e dobët të Man United në këtë sezon

“Dhe Manchester United?”, e pyeti gazetari.

Guardiola filloi të qeshte, duke e bërë të qartë se çfarë mendonte për rivalin e qytetit, por më pas i dha një përgjigje “diplomatike”.

“Ata nuk e nisën mirë sezonin, as Chelsea, por herët a vonë do të hyjnë në ritëm. Pasi fituam kurorën e trefishtë, është e rëndësishme për ne që kemi fituar pesë nga pesë ndeshjet, kjo është shumë, shumë mirë”, tha trajneri i Cityt.

Pas pesë xhirove, Unitedi është në vendin e 13-të me vetëm gjashtë pikë nga pesë ndeshje dhe është më afër zonës së rënies sesa vendit që të çon në Ligën e Kampionëve. /Telegrafi/

https://twitter.com/BilalArdale/status/1703767088484008183