Legjenda gjermane, Franz Beckenbauer i ka shtuar benzinë zjarrit në debatin mbi dështimin e ekipit kombëtar në Kupën e Botës, duke sugjeruar që skuadra të duhej të ishte më e uritur.
Skuadra kombëtare e drejtuar nga Joachim Low u eliminua në fazën e grupeve në Rusi, duke pësuar humbje shokuse kundër Meksikës dhe Koresë së Jugut.
Ozil ishte në shënjestër veçanërisht nga mediat si një arsye për dështimin, duke hapur një debat mbi racizmin ndaj lojtarëve me prejardhje te huaj në ekipin kombëtar dhe duke e çuar atë drejt pensionimit nga detyra ndërkombëtare.
Ndërkohë, Beckenbauer ka pohuar se ka mungesë të dëshirës nga lojtarë të caktuar, ku i etiketuari mendohet të jetë pikërisht Ozil.
“Nga jashtë, unë gjithashtu kisha përshtypjen se pasioni ishte paksa i zhytur nga ai para katër viteve që nga fitorja e Kupës së Botës”, ka thënë fillimisht ai për Bild.
“Prandaj, nevojitet një rindërtim me lojtarë të uritur, nevojiten lojtarë të nxehtë për kombëtaren”.
“Kënga e himnit kombëtar gjithashtu luan një rol. Kush këndon himin para lojës, e liron veten shpirtërisht më shumë se përtypja e çamçakëzëve”, përfundoi Beckenbauer.
Ndryshe, Ozil ka zhvilluar 92 ndeshje për Gjermaninë dhe ka shënuar 23 gola, duke luajtur edhe një rol të madh në fitimin e Botërorit në Brazil në vitin 2014, ku fituan ndaj Argjentinës në vazhdime me rezultat 1-0. /Telegrafi/
