Bebe Rexha zgjedhet artistja me këngën më të mirë në vend nga ‘Radio Disney’

Bebe Rexha është njëra ndër këngëtaret shqiptare, e cila i ka bërë krenarë të gjithë me sukseset e saj nëpër botë.

Ajo vazhdon ta dëshmojë se është një artiste punëtore, dhe këtë e ka dëshmuar me prurjen e albumit të saj më të fundit “Expectations”, i cili ka rezultuar shumë i suksesshëm dhe është pritur mirë nga publiku.

Nuk janë të pakta as trofetë në sirtarin e këngëtares, e cila e pasuron atë edh me një çmim tjetër të fituar së fundmi.

Lexo po ashtu Bebe Rexha e para në iTunes me "I'm a mess": Ndjehem mirë të shoh suksesin e këngës që tregon të vërtetën time

Ajo është shpërblyer me një çmim nga RDMA Awards, si artistja më e re me muzikën më të mirë në vend.

E lumtur për këtë fakt, Bebe Rexha vendosi të publikojë një fotografi me trofe në Instagram, duke falënderuar të gjithë ata që bënë të mundur marrjen e këtij çmimi.

“Kam fituar si artistja më e re& me muzikën më të mirë në vend!!! Faleminderit shumë RDMA Awards!! Është e mahnitshme pasi të gjithë fansat më votuan. Faleminderit (ata nuk kanë shije ashtu siç duken)”, ka shkruar ajo.

See more

Këngët e albumit të saj më të fundit janë cilësuar shumë të suksesshme, teksa “I’m a mess”, e cila është kënga më e pëlqyer dhe e vetmja me klip deri më tani, ka qëndruar për një javë si kënga më e kërkuar në iTunes. /Telegrafi/