Artistja shqiptare me renome botërore, Bebe Rexha, ka tash e sa javë që qëndron larg rrjeteve sociale.
E krejt kjo duket se lidhet pak me ngjarjet e fundit në jetën e saj personale, pasi thuhet se së fundmi, Rexha është ndarë nga i dashuri i saj, kineasti Keysan Safyari.
Lajmi u bë i ditur fillimisht nga vet artistja e hitit “I’m A Mess” me publikimin e një mesazhi privat që ai ia kishte dërguar në InstaDirect, ku e kritikonte për kilogramët e shtuar në pak kohë.
Më pas, Bebe Rexha e fshiu mesazhin nga InstaStory, por i njëjti bëri bujë duke u shfaqur gjithandej në mediat botërore.
Po të shikosh në rrjetet sociale, vërehet se Bebe dhe Keyan nuk e ndjekin më njëri-tjetrin në rrjetet sociale – gjë e cila shton edhe më tepër dyshimet për një ndarje.
Sido që të jetë pas krejt kësaj rrëmuje, 33-vjeçarja duket se është fokusuar në punë, pasi ka filluar intensivisht të punojë për të sjell në treg këngën e saj të re, “One In A Million”.
Ajo publikoi mëngjesin e së dielës një video nga studio ku shihej duke incizuar bashkë me DJ-n dhe producentin e famshëm, David Guetta, teksa ndau me fansat pak nga kënga e re në ardhje.
Bebe Rexha publikoi gjithashtu edhe disa ‘selfie’ për të t’iu treguar ndjekësve se është në rregull, edhe pas ndodhive tC fundit në jetën e saj emotive. /Telegrafi/
