Artistja shqiptare me famë botërore, Bebe Rexha, është duke shijuar suksesin e albumit të saj më të fundit, “Better Mistakes” dhe bashkëpunimit me DJ Topic, “Chain my heart”.
Kjo e fundit është pritur shumë mirë nga publiku dhe fansat, të cilët vazhdimisht po realizojnë video të ndryshme në rrjetet sociale, duke vallëzuar nën ritmet e saj.
Një gjë të tillë e ka bërë edhe vet shqiptarja, duke publikuar një video në TikTok, teksa shihet duke kërcyer nën ritmet e “Chain my heart”.
Teksa bën gjeste dhe lëvizje të ndryshme provokuese, Rexha i buzëqesh kamerës, teksa thotë se vetëm pak pasi realizoi videon, ajo përfundoi në pishinën e shtëpisë së saj.
“Besoni ose jo, unë rash në pishinën time të dreqit pasi e xhirova këtë (qesh me të madhe)”, shkroi 31-vjeçarja në mbishkrimin e videos.
@beberexha Believe it or not I fell in the fucking pool right after I filmed this Lolol
Bebe Rexha përndryshe rrëfeu muajin e kaluar në një intervistë ekskluzive për Telegrafin, dëshirën e madhe që në një të ardhme të afërt ta vizitojë Kosovën për herë të parë.
“Unë thjesht, me të vërtetë nuk mund të pres deri sa të vijë ai moment. Është si një ëndërr dëshira për të ardhur në Kosovë, ndoshta do të vij këtë vit, ose ndoshta në vitin e ardhshëm, unë me të vërtetë dua të shkoj atje. Ndoshta do të vij edhe më herët nga sa e mendoni, do të më pëlqente, ka qenë një ëndërr e imja prej kohësh ta vizitoj Kosovën”, ka thënë Bebe Rexha për Telegrafin.
Aktualisht, këngëtarja me origjinë shqiptare ndodhet në shtëpinë e saj në Los Angeles, duke punuar në projekte të reja. /Telegrafi/
