Këngëtarja e njohur shqiptare, Bebe Rexha, e ka nisur fuqishëm vitin 2017, duke publikuar së pari një këngë të re solo, gjersa muajt e ardhshëm do ta gjejnë këngëtaren edhe me një projekt gjigant.
Ajo ka bërë të ditur se këtë vit do të publikojë albumin e saj më të ri, me titull “All Your Fault”.
Por, befasia e Bletës është se ajo do të publikojë një pjesë të albumit të saj në një datë shumë të veçantë për shqiptarët.
Një pjesë nga albumi i saj i ri vjen pikërisht me datë 17 shkurt, me rastin e festës së Pavarësisë së Kosovës.
Ky album pritet të jetë një sukses i jashtëzakonshëm për këngëtaren, i cili do të vulosë imazhin e një artisteje tashmë të afirmuar. /Telegrafi/