Artistja shqiptare me famë ndërkombëtare, Bebe Rexha, gjatë këtyre ditëve të izolimit po tregohet më aktive për ndjekësit e saj në rrjetet sociale.
Ajo po publikon fotografi apo video të ndryshme nga përditshmëria e saj, teksa herë pas here nuk heziton të shpalosë diçka edhe nga arkivi i saj.
Një gjë të tillë e ka bërë së fundmi, duke publikuar disa fotografi të rralla nga fëmijëria e saj, të realizuara gjatë pushimeve në Shqipëri dhe Maqedoni.
Në fotografi, shihet se si artistja aso kohe i mbante flokët e saj të shkurtra, teksa bashkë me familjarët e saj gatuanin ushqime tradicionale.
Ajo shihej mjaft e lumtur në këto fotografi, teksa fansat kanë komentuar ngjashmërinë e madhe që ajo ka me të ëmën e saj, Bukurijen.
“Kthim prapa në këtë prerje flokësh të shkurtra, unë u bëra në udhëtimin tim në trevat shqiptare, për të parë se sa të gjata ishin flokët e mia para se të prisheshin”, shkroi Rexha në Instagram.
Këngëtarja përndryshe është e lindur në New York, por prejardhjen e ka nga Dibra e Maqedonisë. /Telegrafi/
