Bebe Rexha për ditëlindjen e 30-të publikon këngën e re “Not 20 Anymore”

Këngëtarja shqiptare me famë ndërkombëtare, Bebe Rexha, sot (e premte), me datë 30 gusht feston ditëlindjen e saj të 30-të.

Ajo është shumë e ngazëllyer për vitet që po i mbush, duke thënë se ndjehet e lumtur që nuk do të jetë më në të 20-tat.

Me këtë rast, biondja ka publikuar edhe një projekt të ri muzikor të titulluar “Not 20 Anymore”.

Kjo këngë vjen e kompletuar edhe nga ana vizuale, teksa në klip ka disa protagonistë që flasin se si ndihen në të 20-tat dhe në të 30-tat.

Po ashtu Bebe në një frazë të tekstit e përmend sërish që “jam dashnore më e mirë tani se sa dhjetë vite më parë”.

Lexo po ashtu Jo më në të 20-tat, Bebe Rexha: Mezi pres që të bëhem 30 vjeçe - më e mençur, më seksi dhe më e fortë se kurrë më parë

Ndryshe, artistja shqiptare këtë javë është shpërblyer me çmim në MTV Video Music Awards 2019. /Telegrafi/