Bebe Rexha nominohet në Grammy Awards 2023

Artistja shqiptare me famë botërore, Bebe Rexha, ka shënuar një arritje kulminante në karrierën e saj.

Ajo është nominuar për një nga çmimet në mbrëmjen më të madhe muzikore të ndarjes së çmimeve ndërkombëtare për muzikë, Grammy Awards 2023.

33-vjeçarja është nominuar në kategorinë “Kënga më e mirë ritmike/elektronike”, për hitin e saj të jashtëzakonshëm, “I’m good (Blue)” në bashkëpunim me David Guettan.

Dyshja do të garojnë në këtë kategori me këngët: “Break My Soul” nga Beyonce,“Rosewood” nga Bonobo, “Don’t Forget My Love” nga Diplo dhe Miguel. “Intimidated” nga Kaytranada dhe H.E.R dhe “On My Knees”, nga Rüfüs du Sol.

Lexo po ashtu Lista e plotë e nominimeve në Grammy Awards 2023

E lumtur për këtë sukses, Rexha ndau me ndjekësit e saj në Instagam Story një imazh të nominimit të saj në këtë kategori.

Kënga “I’m good (Blue)” e dyshes Rexha dhe Guetta përveçse arriti kulmin duke u renditur e para në top listat britanike dhe amerikane, ajo fitoi ditë më parë edhe çmimin “Bashkëpunimi më i mirë” në MTV Europe Music Awards 2023.

Bebe Rexha ka qenë edhe më parë e nominuar në Grammy Awards në vitin 2019, në kategoritë “Artistja e re më e mirë” dhe “Performanca më e mirë e zhanrit country” për këngën “Meant to be” në bashkëpunim me Florida Georgia Line.

Fatkeqësisht në atë kohë, ajo nuk kishte arritur të fitonte asnjëri nga këto çmime. /Telegrafi/