Artistja shqiptare me famë ndërkombëtare, Bebe Rexha, këto ditë ndodhet në Itali.
Ajo ka udhëtuar nga ShBA-të për në shtetin italian, për të shijuar disa ditë të mira në qytetin e Venedikut.
31-vjeçarja u tregua mjaft e shpejt për të ndarë me ndjekësit e saj në rrjetet sociale disa imazhe, pas arritjes në qytetin e ashtuquajtur si “qyteti i dashurisë”.
Ajo dukej mjaft tërheqëse e veshur me një palë xhinse të errëta dhe një bluzë ngjyrë të kaltër me printe të ndryshme.
Në imazhet e publikuara në InstaStory, këngëtarja e hitit “I’m a mess” mund të shihet edhe teksa mban një çantë blu me rripa të artë në krahun e saj.
Më pas, Rexha ndau me ndjekësit e saj edhe disa fotografi të tjera, ku tregonte se ka shijuar udhëtimin me lumë në kanalet e Venedikut.
Ajo nuk ka treguar arsyen se pse ndodhet atje, gjersa ka lënë në dyshim fansat nëse bëhet fjalë për ndonjë projekt, apo thjeshtë udhëtim i rastësishëm.
Sido që të jetë, në fotografitë e fundit ajo është komplimentuar për dukjen e saj atraktive nën veshjet e markës “Dolce & Gabanna”.
Sa i përket muzikës, Bebe Rexha po vazhdon të shijojë suksesin e albumit të saj më të fundit, “Better Mistakes”, të cilin e publikoi në maj të këtij viti. /Telegrafi/
