Këngëtarja me rrënjë shqiptare, Bebe Rexha, e ka treguar shumë herë me krenari origjinën e saj.
Së fundmi, ajo ka realizuar një video të veçantë për “Esquire”, ku ka folur për gjërat e preferuara që ka në shtëpinë e saj, si çmimet e fituara në evente muzikore apo dhuratat e ndryshme që ka në shtëpi.
Ndër të tjerash, Rexha ka ndarë me fansat edhe një nga erëzat më të veçanta që ka në shtëpi.
Bëhet fjalë për vegetën, e cila është pjesë e thuajse çdo gatimi te shqiptarët, dhe vet këngëtarja e potencoi një gjë të tillë.
“Kjo këtu quhet vegeta, nëse je shqiptar, ti duhet ta kesh këtë. Kjo është si diçka që duhet të jetë në të gjitha gatimet tuaja si shtesa më e preferuar. Kjo është si erëz, nëse gatuani ushqim shqiptar, se si ne i bëjmë si gjërat më të mahnitshme, por kjo është e pabesueshme, e vetmja gjë është që ka pak kripë në të, por ju e dini se çfarë është në rregull. Do ta bëjë ndonjë supë më të shijshme, dhe unë nuk e di pse jam duke e reklamuar këtë”, ka thënë Bebe Rexha.
Jo pak herë, artistja me origjinë nga Dibra ka folur për preferencat e saj për kulturën dhe kuzhinën tradicionale shqiptare.
Ndër të tjerash, përgjatë videos, 31-vjeçarja ka veçuar si një nga gjërat më me vlerë në shtëpinë e saj certifikimin “Diamond” për hitin e saj “Meant to be”, si dhe çmimin e fituar në MTV Video Music Awards 2019. /Telegrafi/