Këngëtarja shqiptare me famë botërore, Bebe Rexha, duket se është e shqetësuar për ndryshimet e fundit klimatike në glob.
Ajo ka rishpërndarë së fundmi në InstaStory një pamje të përmbytjeve që po ndodhin në disa shtete evropiane, duke shkruar në mbishkrimin e saj se një gjë e tillë po ndodhë dhe është e vërtetë.
“Nëse nuk e beson që ndryshimi i klimës është i vërtetë, atëherë ti je një idiot”, shkroi 31-vjeçarja në mbishkrimin e postimit.
E krejt kjo duekt se vjen si pasojë e diskursit publik rreth ndryshimit të klimës globale, për të cilën ka ende persona që nuk besojnë në të.
Shkaku i këtyre ndryshimeve klimatike, shtete si Gjermania dhe ato të Ballkanit janë përballur me të reshura të mëdha dhe përmbytje ditëve të fundit.
Ditë më parë edhe aktori i njohur, Leonardo DiCaprio përmes një njoftimi në rrjetin social Instagram, tregoi rreziqet që po i kanosen botës me rritjen e temperaturave dhe ndryshimin klimatik. /Telegrafi/