Artistja shqiptare me renome botërore, Bebe Rexha, është duke shijuar suksesin e albumit të saj më të fundit, “Better Mistakes”.
Këngët e albumit janë pritur mirë nga fansat e këngëtares, duke arritur shifra të larta klikimesh në YouTube dhe platforma të tjera muzikore.
E teksa shijon suksesin e këtij projekti, Bebe Rexha, vazhdon të jetë shumë e angazhuar edhe në rrjetet sociale, në të cilat është gjithashtu mjaft e ndjekur.
Jo të rralla janë rastet kur 31-vjeçarja ndan me ndjekësit imazhe të ndryshme me përmbajtje provokuese.
Një gjë të tillë, Rexha e ka bërë në fotografinë e fundit të publikuar në rrjetin social Instagram, ku është shfaqur duke pozuar në të brendshme të markës “Adore Me”.
Ajo ka realizuar një “giveaway” me këtë markë, duke dhuruar 500 dollarë për një nga fanset fatlume, që do të ketë mundësinë të blejë koleksionin në fjalë.
Bebe Rexha përndryshe aktualisht ndodhet në Ishujt Karaibe, duke shijuar disa ditë të mira pushimi me familjen dhe të dashurin e saj, Keyan Safyari. /Telegrafi/
