Qëndrimi në shtëpinë më të famshme në Shqipëri duket se është e papërballueshme prej disa prej tyre.
Kjo tashmë është bërë e shpeshtë në Big Brother VIP pasi shumë prej banorëve herë pas here kërkojnë ta lënë garën.
Mbase në bazë të situatave që krijohen, presionit të kamerave e debateve të njëpasnjëshme.
E fundit që ka kërkuar këtë gjë është këngëtarja e njohur nga Podujeva, Beatrix Ramosaj.
Në një insert të shkurtër të shpërndarë në rrjete sociale, ajo kërkon që të largohet nga shtëpia pasi nuk po ndihet mirë.
“Dua të iki në shtëpi, nuk jam mirë. Nuk po e duroj dot veten time. Nuk kam dëshirë të flas, thjesht nuk ndihem mirë. Është bërë e bezdisshme e gjithë situate. Nuk e përballoj dot”, u shpreh Ramosaj.
Të fundit të eliminuar në shtëpi kanë qenë DJ-të e njohur, PM dhe Dagz, në spektaklin e së premtes.
Megjithatë, Arbër Gumnishta (emri i plotë) me dëshirën e publikut u rikthye sërish për të vazhduar garën i vetëm. /Telegrafi/