Xheni-Benard, Dona-Musa dhe Armela-Damiano janë tri çiftet e reja të vendosura nga publiku, të cilët bëhen zyrtarisht konkurrentë për çmimin e madh, ndërsa Kleodiana, Egnajti dhe Liridoni përfundojnë aventurën në Big Brother.
Publiku vendosi që Kleodiana dhe Egnajti të jenë çift, por ata nuk e pranuan këtë zgjedhje, duke u shprehur të dy në një mendim se nuk kanë të përbashkëta për ta vazhduar lojën.
Ndërsa për Liridonin, publiku nuk mendoi se mund të krijonte një çift për të vazhduar më tej lojën dhe kështu edhe ai humbet mundësinë për çmimin e madh.
Po ashtu, aventura në Big Brother për çiftin nga Berati, Ejona dhe Adem, ka përfunduar mbrëmjen e sotme. Ata ishin në nominim gjatë kësaj jave së bashku me çiftin Fotini-Danjeli dhe publiku vendosi që të jenë Ejona dhe Ademi të eliminuarit e kësaj mbrëmje, duke humbur mundësinë për të fituar çmimin e madh.
Ëndrra e tyre ishte të futeshin në shtëpinë më të famshme në Shqipëri dhe këtë e realizuan, por publiku vendosi që atë të largohen natën e sotme.
Dita më e bukur për ta në shtëpi ishte ajo e kaluara, kur Big Brother organizoi dasmën për ta brenda në shtëpi. Ejona u shpreh se ishte dita më e bukur në jetën e saj. /TCH/Telegrafi/