Bayern Munichu i ka shpëtuar humbjes së dytë sezonale në Bundesliga duke e barazuar rezultatin ndaj Kolnit (1-1) në çastet e fundit të ndeshjes së zhvilluar para tifozëve në Allianz Arena.
Një fillim i mrekullueshëm i mysafirëve, të cilët e zhbllokuan rezultatin që në minutën e katërt. Pas një harkimi nga këndi të Florian Kainz, Julian Chabot e dërgoi topin drejt Ellyes Skhiri dhe ky i fundit e futi në rrjetë (4’).
Në minutat në vazhdim, Serge Gnabry e Benjamin Pavard rrezikuan për bavarezët, derisa Skhiri dhe Kainz ndërtuan një tjetër aksion që u lexua nga portieri Yann Sommer.
Në fraksionin e dytë, vendasit vazhduan të rrezikonin përmes Ryan Gravenberch, Kingsley Coman e Thomas Muller, por pa sukses.
Në minutat e fundit të takimit, Joshua Kimmich pranoi një top nga Dayot Upamecano për ta barazuar rezultatin (90’) me një gol fantastik.
Përkundër barazimit, Bayern Munichu mbetet lider në tabelën e Bundesligas me katër pikë më shumë se përcjellësi i parë RB Leipzig. Kolni është në pozitën e dhjetë në tabelë me 21 pikë dhe ndodhet tetë pikë larg zonës evropiane. /Telegrafi/
🇹🇳 Ellyes Skhiri buteur avec Cologne sur la pelouse du Bayern Munich ce soir #SNA
— Sport News Africa (@snewsafrica) January 24, 2023
Stop what you are doing and watch this ridiculous goal from Joshua Kimmich ⚽️🚀
Bayern Munich 1-1 Kolnpic.twitter.com/qA32CDtWw9
— Birdiefootball (@birdiefootball) January 24, 2023