Bayern Munichu thuhet se nuk është i interesuar të bëjë të përhershëm transferimin e Philippe Coutinhos nga Barcelona.
Ylli brazilian u transferua si huazim me mundësi blerje nga Barcelona te Bayerni në verën e vitit të kaluar.
Sipas gazetës gjermane Bild, lojtari nuk ka bërë përshtypje të mjaftueshme te Bavarezët dhe ata nuk do ta blejnë atë, por do ta rikthejnë në Camp Nou.
Megjithatë, për yllin brazilian nuk mungojnë skuadrat e interesuara, pasi pëlqehet shumë në Ligën Premier.
Klube si Chelsea, Manchester Unitedi, por edhe Arsenali kanë bërë disa herë sondazhe për të.
Coutinho ka regjistruar gjashtë gola dhe pesë asistime deri më tani në 16 paraqitje në Bundesliga. /Telegrafi/