Rafael Leao vazhdon të mbetet një nga emrat më të kërkuar në tregun e transferimeve.
Kontrata e sulmuesit portugez me Milanin skadon në verën e vitit 2024 dhe ende nuk ka gjuhë të përbashkët për vazhdimin e saj.
Real Madrid, Chelsea, Manchester City, Manchester United e PSG janë në garë për të, derisa së fundmi është futur edhe Bayern Munich.
Bavarezët duan me çdo kusht transferimin e portugezit dhe tanimë kanë bërë hapa para për të arritur deri te ai.
Sport Bild ka raportuar se bavarezët janë të gatshëm të sakrifikojnë yllin argjentinas Kingsley Coman për ta shkëmbyer me Leaon.
Në fakt Bayerni përveç shërbimeve të Coman janë të gatshëm të ofrojnë edhe një shumë të konsiderueshme të parave për të arritur te anësori portugez.
23-vjeçari ka shkëlqyer këtë edicion me Milanin ku në 21 ndeshje zyrtare ka shënuar tetë gola e ka asistuar në tetë të tjerë.
Milan synon ta blindojë me kontratë të re yllin e tyre, por nëse nuk arrihet një gjë e tillë atëherë synohet të fitohet shuma e 100 milionë eurove nga largimi i Leaos nga San Siro. /Telegrafi/