Matthijs De Ligt pritet të largohet nga Juventusi, por jo në afatin kalimtar të janarit.
Mbrojtësi holandez pritet të shitet në verë nga Zonja e Vjetër e cila tanimë i ka caktuar edhe çmimin e largimit.
Kampioni i shumëfishtë i Italisë, synon që të fitojë 65 milionë euro nga shitja e holandezit gjatë verës dhe interesimi për të nuk mungon.
Skuadrat e mëdha si Chelsea, Manchester United, Bayern Munich dhe Barcelona janë duke u interesuar për lojtarin.
Rekordmenët gjermanë, Bayern Munich e kanë bërë prioritet nënshkrimin me De Ligt në verë.
Sipas mediave gjermane, Niklas Sule do të largohet si lojtar i lirë, derisa edhe Lucas Hernandez mund të largohet në verë.
Bayerni është gati të shpenzojë shumën prej 65 milionë euro për transferimin e De Ligt në Allianz Arena. /Telegrafi/