Bayern Munichu e ka bërë të qartë edhe një herë vendimin e tyre për të mos e transferuar Cristiano Ronaldon.
Ylli portugez e kërkon me ngulm largimin nga Manchester United, pasi synimi i tij është që të luajë në Ligën e Kampionëve.
Por, drejtori i Bavarezëve, Hasan Salihamidzic ka thënë se ata kanë shumë respekt për pesë herë fituesin e Topit të Artë, por nuk është në planet e tyre.
“Kam shumë respekt për Cristiano Ronaldon, suksesin e tij dhe karrierën. Por, edhe një herë: Nuk ishte e as nuk është temë për ne”, ka deklaruar ai.
Duket se Bayerni nuk dëshiron t’i ofrojë Roaldos pagën e majme që merr te Manchester United, pasi fiton mbi 500 mijë euro në javë.
Chelsea dhe Paris Saint-Germain, po ashtu kanë refuzuar transferimin e tij, derisa e ardhmja e tij është ende e paqartë. /Telegrafi/
Bayern director Hasan Salihamidzić tells @Sport1: “I have a lot of respect for Cristiano Ronaldo, his successes and his career. But once again: that was and is not a topic for us”. ⛔️🇵🇹 #FCBayern
Jorge Mendes, still pushing – but now Bayern position has been clarified again. pic.twitter.com/uP1IqUqlrC
— Fabrizio Romano (@FabrizioRomano) July 16, 2022