Shanset e Real Madridit për të nënshkruar me yllin e Bayern Munichut, Alphonso Davies në vitin 2024 vazhdojnë të përmirësohen.
Los Blancos po planifikojnë një lëvizje të madhe për të nënshkruar me një mbrojtës të ri të majtë në muajt e ardhshëm, me 23-vjeçarin Davies në radarin e tyre, përpara një oferte të mundshme verën e ardhshme.
Sipas raporteve të fundit nga shumë media spanjolle, Real Madrid është i bindur se mund të sjellë Davies në vitin 2024, me marrëveshjen e tij aktuale me Bayerni që skadon më 2025.
Nëse Davies nuk pranon një zgjatje me klubin nga Bavaria, kampionët e Bundesligës do të kërkojnë të shesin reprezentuesin kanadez, për të shmangur humbjen e tij në një transferim të lirë në fund të kontratës së tij.
Me Bayernin tani gati për të kaluar në fazën tjetër të shitjes, Diario AS raporton se ata kanë vendosur një çmim prej 50 milionë eurosh për Davies, nëse Real Madridi dëshiron një marrëveshje verën e ardhshme.
Real Madridi nuk është i gatshëm ta paguajë atë tarifë, pasi ata duan një marrëveshje transferimi afër 40-45 milionë euro, me bisedimet që ende nuk kanë filluar midis të gjitha palëve të përfshira. /Telegrafi/