Bayern Munich thuhet se është e interesuar për të nënshkruar me Takehiro Tomiyasu, për shkak janë vënë në kërkim të një lojtari që mund të mbulojë disa pozicione në fazën e mbrojtjes.
Siç raporton Sky Germany, bavarezët mbeten këmbëngulës për transferimin e Tomiyasu në afatin kalimtar të janarit, pasi e ndoqën atë verën e kaluar.
Ylli japonez ka tërhequr vëmendjen e Bayernit me aftësinë e tij për të luajtur si qendërmbrojtsë, mbrojtës i djathtë dhe i majtë kur kërkohet dhe Thomas Tuchel e ka atë prioritet kryesor për edicoonin e ardhshëm.
Megjithatë, raporti shton se Arsenali nuk dëshiron të ndahet me lojtarin dhe pavarësisht interesimit të Bayernit, “Topçinjtë” janë të vendosur të mbajnë Tomiyasun.
Skuadra gjermane tashmë është informuar për qëllimin e Arsenalit për të mbajtur Tomiyasu gjatë gjithë sezonit, por Bayern ka të ngjarë të monitorojë nga afër situatën e tij në “Emirates” dhe mund të rishikojë mundësinë e nënshkrimit të tij në verën e vitit të ardhshëm.
Tomiyasu, i cili e filloi karrierën e tij tek ekipi japonez Avispa Fukuoka, por ishin paraqitjet e tij me skuadrën belge Sint-Truiden në vitin 2018, që i dhanë atij mundësinë për t’u transferuar në Serie A tek Bologna, ku luajti për dy sezone përpara se t’i bashkohej Arsenalit për 17 milionë euro.
Tomiyasu i cili po lufton për një fanellë titullari tek klubi londinez, ka luajtur plot 90 minuta në dy ndeshjet e fundit të Ligës Premier kundër Neëcastle dhe Burnley dhe do të shpresojë të mbajë vendin e tij të titullarit në udhëtim ndaj Brentfordit të shtunën./Telegrafi/