Ylli i Bayern Munichut, Sadio Mane është suspenduar deri në njoftimin e dytë, vendimi i drejtuesve të klubit bavarez është marrë pas një sërë takimesh të zhvilluara dje dhe sot.
Mane u gjobit pasi goditi me grusht shokun e skuadrës Leroy Sane në dhomën e zhveshjes pas humbjes nga Manchester City (3-0) në çerekfinale të Ligës së Kampionëve.
Dyshja kanë debatuar në fushë për shkak të një pasimi të keq të përfaqësuesit gjerman.
Debati nisi në fushë dhe vazhdoi në dhomën e zhveshjes ku senegalezit e humbi plotësisht durimin dhe u hodh mbi shokun e skuadrës duke e goditur me grusht në fytyrë.
Ky është një reagim që ka habitur plotësisht botën e futbollit pasi Mane është konsideruar gjithmonë një lojtar i qetë që bën një jetë modeste jashtë fushës dhe nuk futet në konflikte me rivalët dhe shokët e skuadrës.
Dje është mbajtur mbledhja e drejtuesve të Bayernit dhe Hasan Salihamidzic dhe Oliver Kahn kanë shqyrtuar vendimet e mundshme, të cilat ia kanë njoftuar futbollistit senegalez në një takim të ri mëngjesin e sotëm.
Vendimi është që të pezullohet Sadio Mane deri në njoftimin e dytë, pra derisa klubi të vendosë t’i japë fund pezullimit, raporton Bild.
Sadio Mané has been suspended by Bayern Munich for his altercation with Leroy Sané following their loss to Manchester City, per @BILD_Sport pic.twitter.com/wWfhzp3Ek5
— B/R Football (@brfootball) April 13, 2023
Nga ana tjetër, ende nuk ka të dhëna për dënimin për Sanen, ndonëse edhe ai ishte i përfshirë në këtë ngjarje.
Mane rrezikon një pezullim të përkohshëm ose edhe largim nga klubi për gjestin. /Telegrafi/