Bayern Munich arrin marrëveshje edhe me RB Leipzig, Sabitzer zyrtarizohet së shpejti nga Bavarezët

Bayern Munichu thuhet se ka arritur marrëveshje edhe me RB Leipzig për transferimin e mesfushorit me tipare sulmuese, Marcel Sabitzer.

Sabitzer është në vitin e fundit të kontratës së tij me RB Leipzig, ndërsa nuk ishte i interesuar të rinovonte edhe përkundër shumë ofertave.

Situata e tij bëri që gjiganti gjerman, Bayerni të tentoj transferimin e tij duke arritur marrëveshje personale me lojtarin.

Lexo po ashtu Bayerni ka marrëveshje verbale me Sabitzer, por akoma nuk ka vendosur nëse do të paguajë 15 milionë euro për të

Megjithatë, RB Leipzig nuk dëshironte të hiqte dorë nga ylli i tyre pa fituar diçka nga ky transferim.

Tani, sipas gazetës BILD, Bayerni është pajtuar me RB Leipzig në lidhje me transferimin e Sabitzer për një tarifë prej 16 milionë euro.

Lojtari nuk dëshironte asnjë propozim tjetër dhe shumë shpejt pritet të zyrtarizohet si lojtar i ri i Bavarezëve.

Ai do të nënshkruaj një kontratë pesëvjeçare, të vlefshme deri në qershor të 2026. /Telegrafi/