Trajneri i Llapit, Tahir Batatina ka folur rreth fitores ndaj Trepçës ’89, ndeshjen e ardhshme me Prishtinën dhe luftën për titull kampioni në Ipko Superligën e Kosovës.
Llapi ka arritur të fitojë me rikthim ndaj Trepçës me rezultat 4-1 dhe kjo fitore ka ngjallur edhe më shumë shpresat e klubit nga Podujeva për titull kampion.
Pas ndeshjes, Batatina ka përgëzuar lojtarët e tij për fitoren dhe lojën e treguar, teksa ka thënë se do të jenë kampion me plot meritë.
“Llapi tregoi që është skuadër shumë e fuqishme, nëse bëhemi kampion, bëhemi pa ndihmën e askujt, por me meritë”, ka thënë fillimisht Batatina pas ndeshjes.
“Jemi ekip me karakter, arritëm ta kthenim rezultatin duke shënuar katër gola”.
“Llapi nuk mbrohet, i përgëzoj lojtarët të cilët i përfunduan detyrat për mrekulli”.
“Gjyqtarët tentuan të na dëmtonin, por as ata as askush nuk do t’i kuptoj taktikat e mija të lojës”.
Batatina në fund foli edhe për ndeshjen e ardhshme ndaj Prishtinës në stadiumin Fadil Vokrri.
“Do të hyjmë në atë ndeshje të qetë, siç kemi bërë gjatë takimeve të fundit. Jemi me pikë të barabarta me Prishtinën, askush nuk na ka menduar se jemi për titull por ja ku jemi”, përfundoi trajneri llapjan. /Telegrafi/