Llapi ka marrë fitoren e dytë radhazi në kampionat, teksa ka mposhtur Trepçën 89 me rezultat 2-1.
Ka qenë një ndeshje shumë interesante në ‘Zahir Pajaziti’, ku vendasit triumfuan falë golave nga Festim Alidema dhe Alef Firmino.
Trajneri i Llapit, Tahir Batatina ka thënë se kanë dhënë maksimumin në këtë sfidë, teksa thotë se këto tre pikë janë të rëndësishme për të qenë në hap me tre skuadrat e para në tabelë.
“Llapi dhe Trepça ’89 çdo herë kanë krijuar spektakël. Në “Zahir Pajaziti” të dyja luajmë futboll të hapur. Kjo e bën të ketë gola dhe aksione të rrjedhshme e rivalitet”.
“Për ne ishte me rëndësi të fitojmë. Kemi bërë maksimumin dhe kemi luajtur mirë taktikisht. E dinim çfarë donim dhe reaguam menjëherë në pjesën e dytë”.
“Po të ishim më të kujdesshëm nuk do të vinim te situata e pranimit të golit. Bëmë më të mirën e mundshme”.
“Janë pikë të rëndësishme për të qenë në hap për treshen e parë në tabelë”, deklaroi Batatina pas ndeshjes.
Pas 20 xhirove në Albi Mall Superligë, Llapi zë vendin e parë me 26 pikë. /Telegrafi/