Bashkimi Evropian ka dënuar sot sulmin ndaj dy të rinjve në Shtërpcë.
Zëdhënësi i Bashkimit Evropian, Peter Stano në një postim në Twitter shkruan se dënon ashpër sulmin ndaj të rinjve, ndërsa tha se është e rëndësishme që autoritetet të hetojnë këtë rast.
“Bashkimi Evropian dënon plagosjen e një fëmije dhe një të riu. Është e rëndësishme që autoritetet të hetojnë plotësisht këtë dhe drejtësia të vihet në vend. Personave të plagosur u urojmë shërim të shpejtë”, shkruan Stano.
Dy persona, njëri 11-vjeçar e tjetri 21-vjeçar, janë plagosur këtë të premte në fshatin Drajkovc të Shtërpcës, pasi në drejtim të tyre është shtënë me armë zjarri nga një automjet në lëvizje.
I dyshuari për këtë rast, A.K. i moshës 33 vjeçar, është identifikuar dhe arrestuar nga Policia e Kosovës. /Telegrafi/
Kosovo: 🇪🇺 firmly condemns the shooting of a child and a young man in 🇽🇰 yesterday. Important that authorities will fully investigate this despicable crime and justice is exerted.
We wish the victims a full and speedy recovery.— Peter Stano (@ExtSpoxEU) January 7, 2023