Dy artistët e njohur të estradës shqiptare, Yll Limani dhe Ledri Vula ditë më parë paralajmëruar se janë në përgatitje të një bashkëpunimi.
Projekti i ardhshëm i dyshes mban titullin “Tonat” dhe do të jetë i shoqëruar edhe me videoklip.
Telegrafi ka siguruar pamje nga shesh-xhirimi i klipit, që mendohet se do të kthehet në një hit veror.
Ndërsa, deri më tani dyshja nuk kanë dhënë më shumë detaje dhe një datë të saktë të lansimit të këtij projekti.
Njëherësh ky do të jetë bashkëpunimi i tyre i parë teksa mbetet të shihet se çfarë kanë përgatitur artistët që njihen për projekte që kanë rezultuar mjaft të suksesshme.
Kujtojmë që të dy aktualisht po shijojnë suksese me duetet e fundit, Ylli me këngën “Alkool” që e solli me Noizyn.
Teksa, Ledri pak ditë më parë ka publikuar këngën e re me Melindën “A m’ke dasht”.
Ndërkaq, përveç projekteve muzikore të dy mbesin të angazhuar edhe me koncerte. /Telegrafi/