Ansu Fati nuk do të largohet nga Barcelona, pasi klubi katalunas beson në aftësitë e tij.
Sulmuesi i talentuar ka debutuar këtë edicion me Barcelonën me vetëm 16 vite.
Fati ka bërë paraqitje shumë të mira, duke zhvilluar 32 ndeshje zyrtare e duke shënuar tetë gola e dhuruar një asistim.
Shumë skuadra ishin interesuar për transferimin e talentit spanjoll, por Barcelona ka refuzuar shitjen e tij.
Lojtari ka një kontratë valide me Barcelonën deri në verën e vitit 2022, por me t’i mbushur 18 vite më 31 tetor atij do t’i vazhdohet automatikisht kontrata edhe për dy vite të tjera.
Ka qenë presidenti i Barcelonës, Josep Maria Bartomeu që ka konfirmuar se nuk ka oferta momentalisht për Fatin.
“Asnjë ofertë zyrtare nuk ka ardhur deri më tani, por mund të konfirmoj se ka pasur interesim nga disa skuadra”, tha Bartomeu.
Numri një i Barcelonës ka thënë se ata i janë përgjigjur me ‘jo’ të gjitha klubeve që janë interesuar për lojtarin.
“Përgjigja jonë gjithmonë ka qenë ‘jo’, pasi nuk duam ta lëmë të lirë Fatin”.
“Fati është një futbollist me të ardhme të madhe dhe ai do të mbetet te Barcelona”, ka deklaruar Bartomeu për të përditshmen katalunase Sport.
Manchester United dhe Borussia Dortmund kanë qenë dy skuadrat më të interesuara për të nënshkruar me tinejxherin spanjoll. /Telegrafi/