Barcelona ka zhvilluar stërvitjen e fundit para El Clasicos.
Të gjithë lojtarët u rikthyen në qendrën stërvitore Tito Vilanova për të zhvilluar seancën e fundit para duelit ndaj Real Madridit, shkruan Telegrafi.
Lojtarët kishin një ditë pushim pas eliminimit nga Juventusi.
Luis Enrique bisedoi me lojtarët e tij për gjysmë ore para stërvitjes ku u diskutua ndeshja dhe ku lojtarët morën urdhërat për duelin e të dielës.
Në stërvitje u shfaq edhe Neymar, i cili nuk pritet të luajë, por Barca mund të ndërmarrë rrezikun që ta vë në fushë, pasi në komisionin e apelit në CAS munguan dy anëtarë mëngjesin e sotëm, gjë që ja lejon Barcës shfuqizimin e vendimit.
Barcelona niset mëngjesin e të dielës drejt Madridit. /Telegrafi/