Barcelona pritet të marrë një nxitje financiare para fundit të javës, duke përmirësuar edhe më tutje financat e klubit.
Sipas Mundo Deportivo, Barca shiti 29.5% të aksioneve në Barca Vision, një filial që merret me shpërndarjen e të drejtave të imazhit në këmbim të 120 milionë euro më herët në gusht, dhe do të pritet t’i marrë 20 milionë euro deri në fund të javës.
Pjesa e parë e kësaj marrëveshjeje tashmë është paguar, pjesa e dytë duhet të bëhet deri të dielën, dhe pagesa përfundimtare duhet t’i dërgohet Barcelonës deri të mërkurën më 29 gusht – dy ditë para përfundimit të afatit kalimtar.
Këto të ardhura janë thelbësore që Barcelona të jetë në gjendje të regjistrojë lojtarët e saj në La Liga.
Inigo Martinez, Marcos Alonso dhe Inaki Pena nuk janë ende në gjendje të luajnë, ndërsa Barcelona shpreson të nënshkruajë Joao Cancelo nga Manchester City gjithashtu para fundit të afatit kalimtar. /Telegrafi/