Emerson Royal është njëri nga mbrojtësit e djathtë më të mirë këtë edicion në La Liga.
Mbrojtësi brazilian është në pronësi të Barcelonës, por i huazuar te Real Betis.
Huazimi i tij te Betis është deri në verën e vitit 2021, por Barcelona po mendon ta ndërpresë huazimin e tij më herët.
Për lojtarin kanë shprehur interesim shumë skuadra të mëdha dhe Barcelona synon të fitojë nga shitja e tij.
Bayer Leverkusen, RB Leipzig dhe Borussia Dortmund e duan lojtarin në Gjermani.
Ndërkohë për lojtarin interesim ka shprehur edhe Roma në Serie A si dhe Arsenal e Newcastle United.
Barcelona synon që të fitojë rreth 25 milionë euro nga shitja e tij dhe kjo është arsyeja që duan ta ndërprenë huazimin e lojtarit.
Emerson këtë edicion ka zhvilluar 30 ndeshje me Betisin ku ka shënuar tre gola dhe ka bërë pesë asistime. /Telegrafi/