Barcelona është e njohur për nënshkrimin me të rinjët e talentuar dhe zhvillimin e tyre duke përdorur akademinë e famshme La Masia. Shembulli më i famshëm është Lionel Messi, i cili u transferua nga Newell’s Old Boys kur argjentinasi ishte vetëm 13 vjeç.
Një tjetër që ishte në këtë akademi, ishte edhe Takefusa Kubo. Në moshën 11-vjeçare, ai u bashkua me me La Masian, por u detyrua të largohej katër vjet më vonë kur u zbulua se klubi katalunas kishte shkelur politikën ndërkombëtare të transferimeve të FIFA-s për lojtarët nën moshën 18 vjeç.
Kjo do të thoshte që Kubo u kthye në atdheun e tij në Japoni, por ai u transferua më pas nga Real Madridi kur mbushi 18 vjeç.
Megjithatë, ai nuk arriti të tregonte talentin e tij dhe u shit te Real Sociedad verën e kaluar, megjithëse Los Blancos kanë shansin ta rikthejnë dhe 50 për qind të kartonit në shitjen e ardhshme.
Ky transferim i ardhshëm mund të jetë te Barcelona, pasi Sport raporton se Blaugranaasit po shqyrtojnë një lëvizje për Kubon këtë verë. Lojtari është një adhurues i stilit të lojës së Xavit, dhe zyrtarët e klubit mendojnë se ai do t’i përshtatej ekipit të parë.
Megjithatë, me Barcelonën që vazhdon të luftojë nga çështjet financiare, ata mund të luftojnë për të përballuar koston e Kubos, me Real Sociedadin që ka të ngjarë të kërkojë klauzolën e tij të plotë të lirimit prej 60 milionë euro. /Telegrafi/