Drejtuesit e Barcelonës janë të përgatitur të shohin katër nga lojtarët e tyre të rinj më të ndritur që të largohen këtë verë teksa luftojnë me ligjet e Fair Play Financiar.
Sipas gazetës AS, Barcelona duhet të bëjë disa thirrje serioze nëse dëshiron të jetë aktive në tregun e transferimeve.
Në mbrojtje, të gjitha indikacionet janë se qendërmbrojtësi Eric Garcia do të largohet, veçanërisht nëse ardhja e Inigo Martinez nga Athletic Bilbao konfirmohet.
Pjesa tjetër e mbrojtësve të Xavi Hernndezit kanë besimin e plotë të trajnerit të Barçës dhe ekipit të tij – përfshirë Jordi Alba, të cilit i skadon kontrata në 2024 dhe është përshtatur në mënyrë të përsosur me rolin e tij të ri në ekipin e parë.
Në mesfushë, Barça po pret një vendim nga Sergio Busquets për të ardhmen e tij. Megjithatë, veterani nuk pritet të largohet dhe – si në mbrojtje – vetëm një mesfushor është caktuar për largim.
19-vjeçari Pablo Torre është në linjë për një largim, por jo një lëvizje të përhershme.
Trajnerët e Barçës janë të vetëdijshëm se një sezon tjetër pa lojë të rregullt do të jetë i dëmshëm për zhvillimin e tij si lojtar, kështu që parashikohet që ai të huazohet në një klub tjetër në ligën spanjolle.
E vetmja zonë e fushës ku Barça nuk përjashton ndryshimet e mëdha të personelit është në sulm, kryesisht sepse katalunasit duhet urgjentisht të lirojnë hapësirën e pagave që të mund të bëjnë nënshkrimet që duan këtë verë.
Dy emra shfaqen në krye të listës së viktimave të mundshme janë: Ansu Fati dhe Ferran Torres.
Barça ende nuk ka marrë një vendim, dhe e ardhmja e Ansu Fati mbetet temë e debatit intensiv brenda klubit. Me Ferran Torres, Barça po mendon ta shesë atë vetëm nga nevoja financiare dhe jo sportive. /Telegrafi/