Barcelona ka lëshuar një njoftim zyrtar rreth lëndimit të Philippe Coutinhos duke bërë të ditur se ai do të mungojë deri në dhjetë ditë.
Sulmuesi brazilian e ka zgjatur muskulin, andaj është në dilemë nëse do të luajë ndaj Valencias në Kupën e Mbretit që zhvillohet më 25 maj.
Barcelona shpreson që Coutinho të jetë i gatshëm për finalen ndaj rivalëve të tyre nga La Liga, duke ditur se edhe Luis Suarez nuk do të jetë i pranishëm në këtë përballje për shkak të operacionit që kishte ditë më parë në gju.
[MEDICAL ANNOUNCEMENT] Tests on @Phil_Coutinho have revealed that the player has pulled the biceps femoris in his left thigh. He is expected to be out for about ten days. pic.twitter.com/DgRfqozP0Z
— FC Barcelona (@FCBarcelona) May 12, 2019
Braziliani bëri një paraqitje të mirë ndaj Getafes në fundjavën e kaluar, por pësoi lëndim në pjesën e dytë, duke u detyruar ta lëshonte fushën.
Barcelona tashmë ka filluar përgatitjet për finalen e Kupës së Mbretit ndaj Valencias, por në skuadrën e tyre mund të mungojë edhe Ousmane Dembele që nuk është rikuperuar ende plotësisht. /Telegrafi/