Mbrojtësi i Manchester Unitedit, holandezi Daley Blind është një objektiv i papritur për Barcelonën.
Holandezi është jashtë kontratës në muajin qershor të vitit 2018.
Blind e ka gjetur veten jashtë planeve të menaxherit Jose Mourinho këtë sezon dhe largimi i tij duket i pashmangshëm.
Sipas gazetës spanjolle Marca, Blind është një opsion konkret për gjigantët e La Ligës, Barcelonën, ose në janar ose në verë.
Ndërsa, kontrata e Blind është e përfunduar në verë, United pritet të provojë një zgjatje të saj.
Por, kjo nuk duket të jetë si besim ndaj cilësive të tij, por do të jetë vetëm për të fituar ndonjë para nga largimi i tij.
Shkathtësia e tij është tërheqëse për Barcelonën që e sheh si të përshtatshëm për disa pozita.
Blind është mbrojtës natyral i krahut të majtë, por mund të luaj edhe në qendër të mbrojtjes dhe si mesfushorë defensivë. /Telegrafi/