Ylli i Manchester Cityt, Joao Cancelo, mund të largohet në formë huazimi për një periudhë të dytë radhazi dhe Barcelona është favorite.
Mbrojtësi anësor portugez ishte larguar nga klubi gjatë gjysmës së dytë të sezonit të kaluar.
Pasi u përplas me trajnerin Pep Guardiola, Cancelo u transferua te Bayern Munich për gjashtë muaj.
Sipas gazetës Sport në Spanjë, Guardiola nuk e do atë askund pranë ekipit të parë te City dhe largimi i tij është i pashmangshëm.
Cancelo do të largohet ose në formë huazimi ose përgjithmonë, me Barcelonën e interesuar për nënshkrimin e tij.
Katalunasit mund të mos kenë fondet për një transferim të përhershëm, por do të bëjnë një ofertë huazimi. /Telegrafi/