Barcelona konfirmon lëndimin e Lewandowskit – a do të luajë polaku ndaj Real Madridit?

Barcelona ka konfirmuar lëndimin e Robert Lewandowskit, të pësuar në ndeshjen ndaj Portos të mërkurën mbrëma në Ligën e Kampionëve.

Sulmueis polak u pa duke çaluar derisa largohej nga stadiumi i klubit portugez, por që u tha se nuk ishte serioze.

Tani, Barcelona ka bërë të ditur se Lewandowski ka ndrydhur kyçin e këmbës.

Lexo po ashtu Ylli i Barcelonës shihet duke çaluar pas ndeshjes me Porton

Nuk dihet ende se sa do të mungojë sulmuesi, ndërsa Xavi do të shpresojë që polaku ta humbë më së shumti një ndeshje.

Vlen të ceket se Barcelona përballet me Real Madridi më 28 tetor në La Liga dhe mungesa e tij do të ishte një hendikep i madh.

Në orët në vazhdim do të sqarohet se sa do të mungojë Lewandowski, por ka raportime se ai mund të mungojë ndaj Los Blancos. /Telegrafi/