Asnjë skuadër në La Liga nuk ka marrë më shumë pikë sesa Barcelona në vitin e ri kalendarik, në të cilin Blaugranat aktualisht janë të pamposhtur.
Në fakt, Ronald Koeman e ka udhëhequr ekipin e tij në nëntë fitore dhe një barazim në vitin 2021, kur Barcelona ka arritur të futet në garë për titullin e La Liga.
Barcelona grumbulloi vetëm 13 nga 30 pikët në dispozicion në 10 ndeshjet e para të sezonit, me ndeshjen e tyre të fundit të vitit 2020 që përfundoi në barazim kundër Eibarit.
Nëntë fitore dhe një barazim në vitin 2021
Pas Krishtlindjeve, Koeman duket se ka gjetur thelbin e formacionit të tij startues dhe Lionel Messi ka gjetur formën e tij.
Blaugranat arritën disa fitore të ngushta kundër Huescas, Real Sociedadit dhe Real Betisit, por seria e tyre e fitoreve u ndal nga Cadiz.
Në vitin 2021, Barcelona ka lënë vetëm dy pikë, që do të thotë se ata kanë fituar pesë më shumë se liderët e La Ligas, Atletico Madrid, gjashtë më shumë se Sevilla dhe tetë më shumë se Real Madridi.
Ndërkohë, asnjë skuadër nuk ka shënuar më shumë gola sesa Barcelona, plot 26, ndërsa sa i përket pësimit të golave, vetëm Real Madridi ka pësuar më pak gola sesa skuadra e Koeman.
Huesca, Granada, Real Sociedad, Elche, Athletic Club, Real Betis, Alaves dhe Sevilla të gjithë kanë qenë viktima të Barcelonës në vitin 2021./Telegrafi/