E ardhmja e Frenkie De Jong dhe Ronald Araujo po vazhdon të mbetet një temë diskutimi tek Barcelona për shkak se të dy kanë pësuar lëndime afatgjata dhe që të dyve iu skadon kontrata verën e ardhshme.
Siç raporton Mundo Deportivo, De Jong ka pasur një ofertë në tavolinë nga Barcelona që prej nëntorit të vitit të kaluar, të cilës nuk i është përgjigjur ende.
Në ndërkohë bisedimet ishin hapur në janar të kaluar për një marrëveshje të re për uruguaianin, por nuk duket se ka pasur ndonjë rezultat nga ato bisedime.
Në rast se të dy lojtarët nuk rinovojnë kontratat e tyre aktuale, Barcelona do të synojë shitjen e tyre verën e ardhshme në mënyrë që mos t’i humbasë falas, ashtu siç ishin të gatshëm të bëjnë këtë vit.
Situata e kontratave të këtyre dy lojtarëve ka bërë që gjatë ditëve të fundit dyshja gjermane Joshua Kimmich dhe Jonathan Tah të përmenden si objektiva të mundshëm të blaugranasve.
Barcelona natyrisht se nuk do të dëshironte që t’i humbasë dy yjet e ekipit falas andaj një largim i tyre verën e ardhshme do të kishte logjikë./Telegrafi/