Eric Garcia duket se do t’i bashkohet Barcelonës gjatë afatit kalimtar të janarit.
Mbrojtësi i ri spanjoll është futur në vitin e fundit të kontratës me Manchester Cityn dhe nuk e ka ndërmend ta rinovojë atë.
Barcelona edhe në verë e kërkoi me ngulm lojtarin, por City refuzoi ofertat në drejtim të tij.
Por duket se katalunasit janë dorëzuar para kërkesave të Cityt dhe në janar do të bëjnë ofertën për lojtarin.
E përditshmja katalunase Sport ka raportuar se Barça në janar do të bëjë ofertë prej tetë milionë eurove për Garcian.
19-vjeçari prej kohësh ka marrëveshje personale me Barcelonën dhe mezi pret rikthimin në Camp Nou.
Kujtojmë që lojtari ka dalë nga akademia e klubit katalunas dëshira e tij është të rikthehet për të qenë i rëndësishëm për Barcelonën. /Telegrafi/
