Site icon Telegrafi

Barcelona dhe Real Madridi mësojnë datat e ndeshjeve El Clasico për sezonin 2023/24 në La Liga

Shkumbin Pireva

Barcelona dhe Real Madridi kanë mësuar kalendarin e ndeshjeve për sezonin 2023/24 pas publikimit nga La Liga dhe tashmë po qarkullojnë datat e ndeshjeve të zjarrta mes tyre, të njohura si El Clasico.

Të dyja skuadrat do të nisin sezonin në udhëtim këtë vit, ndërsa përpiqen të fillojnë mbarë me nga tri pikë të fituara nga xhiro e parë.

Real Madridi do të luajë si mysafir i Athletic Bilbaos, ndërsa Barcelona luan në udhëtim te Getafe, në ndeshjen që pritet të zhvillohen më 12 gusht.

Megjithatë, tifozët janë të interesuar të dinë datat e dy ndeshjeve El Clasico të sezonit 2023/24.

Dyshja do të takohen për herë të parë në fundjavën e fundit të tetorit, më saktë në ndeshjen e javës së 11-të që është planifikuar të zhvillohet në Kataluni.

Ndeshja e dytë El Clasico i takon javës së 32-të, pritet të zhvillohet më 21 prill 2024 dhe do të luhet në Madrid.

Real Madridi më pas do të përfundojë kampionatin e tyre në ligë në shtëpi ndaj Real Betis në fundjavën e 26 majit.

Në anën tjetër, Blaugranët përballen me Sevillan në Ramon Sanchez Pizjuan në ditën e fundit të sezonit. /Telegrafi/

 

Exit mobile version